新春福袋滿關懷活動 | 樂齡科技

2024-02-20

聯網今次與創科智慧共融協會合作，安排大家認識最新的樂齡科技產品之餘，亦希望服務社區長者，在新春期間為他們創造一個溫馨和諧氛圍的環境 ，令大家感受到社會的關愛和溫暖！參與嘅長者都好投入，有得拎福袋同揮春之餘，仲有得玩樂齡科技！
老友記在活動中接觸唔同嘅樂齡科技，包括「沉浸式虛擬實境體驗」，特別之處係照顧到長者嘅需要，唔使戴眼罩都可以體驗到虛擬實境同互動效果，比長者一嚐粵劇文化中，耍纓槍嘅樂趣。所以話，科技唔止係為年輕人而設，所有人包括長者都有權利無障礙地使用科技，為生活帶來樂趣！除此之外參加者仲體驗到「智能家居運動系統」，長者可以喺屋企做身體鍛鍊，簡單易用嘅介面同教學，令長者就好似打機咁，一邊玩一邊鍛鍊身體！